Янгиликлар

9 МАЙ – ХОТИРА ВА ҚАДРЛАШ КУНИ

Бу йил фашизм устидан қозонилган ғалабанинг 76 йиллиги жойларда кенг нишонланмоқда.

2-жаҳон урушида Ўзбекистондан 2 миллионга яқин одам иштирок этди. Урушга отланиганда Гулистонлик Бектурсун Пирматов эндигина 18 ёшга тўлган ўспирин йигит эди.

 9 май Хотира ва қадрлаш куни муносабати билан Сирдарё вилояти адлия бошқармаси бошлиғи Жамшидхон Нуритдинов 2-жаҳон урурши қатнашчиси Бектурсун Пирматов ҳолидан хабар олди.. Бектурсун ота билан самимий, дилдан суҳбатлашди. Ота ўша суронли даврларни эсга олиб, ўзбек йигитларининг жанггоҳларда кўрсатган жасорати, мардона қаҳрамонликлари ҳақида сўзлаб берди.

Бугунги тинч, осуда, дориломон кунларимиз учун жанггоҳларда қон тўккан боболар матонати олдида ҳамиша таъзимдамиз. Зотан, инсон азиз, хотира муқаддасдир.

Дилноз Умурзоқова,

Сирдарё вилояти адлия бошқармаси Ҳуқуқий тарғибот ва маърифат бўлими