Bog'lanish

Telefon
(+998 67) 226-02-53

Elektron manzil
sirdaryo@adliya.uz

Habarni yuborish
Ishonch telefoni 1008

Янгиликлар

14

Давлат хизматларидан фойдаланиш енгиллаштирилди

Сўнгги йилларда аҳолига давлат хизматлари кўрсатиш тизими ислоҳ қилиниб, ишбилармонлик муҳитини тубдан яхшилаш, ортиқча бюрократик тўсиқларни бартараф этиш борасидаги ислоҳотлар изчил давом эттирилмоқда. Сирдарё вилояти адлия бошқармаси ташаббуси билан Гулистон шаҳридаги Маънавият ва маърифат марказида ташкил этилган тадбирда мавзу доирасида сўз борди. Тадбирда Маҳалла ва оилани қуллаб-қувватлаш бошқармаси ва унинг тизимидаги ташкилотлар масъул ходимлари иштирок этишди.
Тадбирда “Аҳоли ва тадбиркорлик субъектларига давлат хизматларидан фойдаланишда янада қулай шароитлар яратиш, бу борада бюрократик тўсиқларни қисқартириш бўйича қўшимча чора-тадбирлар тўғрисида”ги Президент Фармонининг мазмун-моҳияти юзасидан Адлия бошқармаси масъул ходими Х.Сулаймонбекова маъруза қилди.

Фармон билан давлат хизматларидан фойдаланишда енгилликлар яратилди. Хусусан, 400 дан ортиқ қонун ҳужжатида белгиланган 17 турдаги маълумот ва ҳужжатларни аҳоли ҳамда тадбиркорлардан талаб қилиниши бекор қилинди. Мулоқотда 2021 йилда  экстерриториал тамойил асосида амалга оширилиши кўзда тутилган ўзгаришлар, 18 турдаги маълумотларни ва ҳужжатларни идоралараро интеграциялашув платформасидан фойдаланган ҳолда “Электрон ҳукумат” тизими орқали беришнинг ўзига хос афзалликлари тўғрисида кенг маълумотлар берилди.

Тадбир қизғин-савол-жавобларга бой бўлди. Иштирокчиларни мавзу юзасидан, шунингдек, меҳнат қонунчилиги ва инсон ҳуқуқларини ҳимоя қилишга доир қизиқтирган саволларига адлия бошқармаси масъул ходими томонидан тегишли жавоблар берилди. 


Сирдарё вилояти адлия бошқармаси Ҳуқуқий тарғибот ва маърифат бўлими