Янгиликлар

ЖАҲОЛАТГА ҚАРШИ МАЪРИФАТ БИЛАН КУРАШАМИЗ

Бугунги кунда юртимизда “Жаҳолатга қарши маърифат” ғояси асосида жамиятда маънавий-маърифий тарбия ва тарғибот-ташвиқот ишларини олиб бориш хусусан ёшлар оила, маҳалла, таълим муассасалари ва меҳнат жамоаларида ижтимоий-маънавий муҳитни ўрганиш ва соғломлаштиришга қаратилган бир тадбирлар кенг кўлам касб этмоқда.

Гулистон туманидаги 40-сонли манзил колонияда Гулистон туман адлия бўлими, Республика маънавият ва маърифат маркази туман бўлинмаси, туман ҳокимлиги ҳузуридаги ижтимоий кўникма маркази ва "Ҳожиобод" жомеъ масжиди имом хатиби иштирокида "Жаҳолатга қарши маърифат" мавзусида тарғибот тадбири бўлиб ўтди. Унда маҳкумларнинг ҳуқуқлари ва қонуний манфаатлари ишончли ҳимоя қилинишини таъминлашга қаратилган қонун ҳужжатлари мазмун-моҳияти тушунтирилди, шунингдек, жиноятга жазо муқаррар эканлиги, бунинг учун ҳар бир инсон диний ва дунёвий билимларга эга бўлиши муҳим эканлиги  алоҳида таъкидланди.