Соғлом турмуш тарзини тарғиб қилиш, ходимларнинг жисмоний тайёргарлигини янада ошириш, спорт турларини оммалаштириш ҳамда адлия органлари ходимлари ва хотин-қизлари ўртасида спорт турлари бўйича мусобақаларни ташкил этиш мақсадида Сирдарё вилоят адлия бошқармаси томонидан “Биз соғлом турмуш тарафдоримиз” шиори остида тадбир ташкил қилинди.

Ушбу спорт тадбири дастлаб эрта тонгдан адлия бошқармасида батантарбия машғулотлари билан бошланди.

Тадбирнинг асосий қисми Сирдарё вилояти юридик техникумида мини футбол мусобақаси билан давом этди.

Мусобақада вилоят адлия бошқармаси, туман (шаҳар) адлия бўлимлари ва юридик техникум ходимларидан таркиб топган 6 та жамоа иштирок этди. 1-гуруҳ биринчи ўйинда “Ҳуқуқшунослар” ва “Ғолиблар” ўртасида кечган баҳс “Ҳуқуқшунослар" фойдасига ҳал бўлди.

 2-гуруҳ биринчи ўйин “Йулбарслар” ва “Арсенал” жамоалари ўртасида бўлиб ўтди. Ўйинда “Йўлбарслар”нинг қўли баланд келди. 2-гуруҳ иккинчи уйинда “Арсенал” “Фемида” жамоаси устидан ғалаба қозонди.

1-гуруҳ учинчи ўйинда “Ҳукукшунослар” “Қалкон” жамоасига қарши ўйнаб ғолибликни қўлга киритган бўлса, 2-гуруҳ иккинчи ўйинда “Йулбарслар” “Фемида” жамоасини мағлубиятга учратди.

Ярим финалда “Ҳукукшунослар” жамоаси “Арсенал” жамоаси билан рўбару келиб яна ғалаба қозонишди.

Иккинчи ярим финалда “Йулбарслар” ва “Ғолиблар” жамоалари ўртасида кечган баҳс “Ғолиблар” жамоаси фойдасига ҳал бўлди.

Мусобақанинг ярим финал ўйинларида шиддатсиз жанг бўлди. “Арсенал” жамоаси  “Йулбарслар” жамоасини забт этди.

 Мусобақанинг финал босқичи кескин тус олди. Майдонда “Ҳуқуқшунослар” ва “Ғолиблар” бор маҳоратларини намойиш қилиб, ўзига хос комбинациялар ва чиройли ўйин тақдим этдилар. Мақсад эса аниқ – ғолиблик учун кураш. Ушбу маросасиз жангда туман адлия бўлимининг “Ғолиблар” жамоасига омад кулиб боқди.

Натижаларга кўра, 3-ўрин “Арсенал” жамоасига, 2-ўрин “Ҳуқуқшунослар” жамоасига, 1-ўрин “Ғолиблар” жамоасига насиб этди. Улар ўз номига муносиб турнир ғолиби сифатида чемпион ҳамда кубок соҳиби бўлишди.

Мазкур турнир адлия ходимлари орасидан кучли футболчилар номини ҳам кашф қилди.

“Йўлбарслар” жамоаси “Энг аҳил жамоа” сифатида эътироф этилган бўлса, Сафарбой Тоғаев “Энг яхши дарвозабон”, Жавоҳир Сайимов “Энг яхши ҳужумчи”, Сиржиддин Тугилов “Энг яхши ҳимоячи” номинациясига сазовор бўлишди.

Тадбир ниҳоясида ғолибларга Сирдарё вилоят адлия бошқармасининг диплом ва совғалари топширилди.

Сирдарё вилояти адлия бошқармаси Ҳуқуқий тарғибот ва маърифат бўлими