Bog'lanish

Telefon
(+998 67) 226-02-53

Elektron manzil
sirdaryo@adliya.uz

Habarni yuborish
Ishonch telefoni 1008

Янгиликлар

02

САРДОБА ТУМАНИДА АДЛИЯ БОШҚАРМАСИ БОШЛИҒИНИНГ САЙЁР ҚАБУЛИ ТАШКИЛ ЭТИЛДИ

Бугун Сирдарё вилоят адлия бошқармаси бошлиғи Жамшидхон Нуритдинов раҳбарлигида Сардоба туман Халқ қабулхонаси билан биргаликда сайёр қабул ташкил қилинди. Сайёр қабул жараёнида фуқаролардан 30 га яқин мурожаатлар қабул қилинди. Уларнинг 4 таси жойида ҳал қилинди, 6 та мурожаат белгиланган тартибда кирим қилиниб, назорат остига олинди.  Қолган мурожаатлар бўйича зарур ҳуқуқий тушунтиришлар берилиши таъминланди.

Туманнинг “Ота юрт” маҳалласида яшовчи фуқаро Фарҳод Юсупов ўз мурожаатида 2017 йилда маҳалла “Обод қишлоқ” давлат дастурига киритилганлиги, бироқ бу борадаги ишлар охирига етказилмаганлиги, электр энергиясига уланиш учун янги устунлар ўрнатилиб кабеллар тортилган бўлсада, хавфсизлик талабларига жавоб бермаслигини маълум қилди.

Ушбу мурожаат адлия бошқармаси бошлиғи Жамшидхон Нуритдинов томонидан жойига чиққан ҳолда ўрганилди ҳамда туман адлия бўлими ва туман электр таъминоти корхонасига тегишли кўрсатмалар берилди.

Сирдарё вилоят адлия бошқармаси Ҳуқуқий тарғибот ва маърифат бўлими