Янгиликлар
11
Сўраган эдингиз...
САВОЛ: Жамоа шартномалари ва келишувларига нисбатан бирон бир умумий талаблар мавжудми ёки ҳар бир ташкилот буни ўзи белгилайдими?
Д. Эгамбердиев, Мирзаобод тумани
ЖАВОБ: Ҳа, мавжуд. Жамоа шартномалари ва келишувлари аниқ бир корхонанинг меҳнат, ижтимоий-иқтисодий ва касбий муносабатларининг ўзига хос хусусиятларига боғлиқ бўлишига қарамасдан, улар қонунчиликда белгиланган принципларга асосланади. Бу принципларга қуйидагилар киради:
- қонун ҳужжатлари нормаларига амал қилиш;
- тарафлар вакилларининг ваколатлилиги;
- тарафларнинг тенг ҳуқуқлилиги;
- жамоа шартномалари, келишувлари мазмунини ташкил этувчи масалаларни танлаш ва муҳокама эркинлиги;
- мажбуриятлар олишнинг ихтиёрийлиги;
- олинаётган мажбуриятларнинг ҳақиқатда бажарилишини таъминлаш;
- текшириб боришнинг мунтазамлилиги;
- жавобгарликнинг муқаррарлиги.
Саволга Сирдарё вилоят адлия бошқармаси Кадрлар бўлими бош маслаҳатчиси Умид Бакиров жавоб берди.