Янгиликлар

СЎРАГАН ЭДИНГИЗ...

Савол:   Мажбурий меҳнат қонунан таъқиқланганми? Мажбурий меҳнат учун қандай маъмурий жавобгарлик мавжуд?

С.Зоҳидова, Гулистон т.

Жавоб:   Ўзбекистон Республикаси Меҳнат кодексининиг 7-моддасига кўра  мажбурий меҳнат, яни бирон бир жазо қўллаш билан таҳдид қилиш орқали ( шу жумладан меҳнат интизомини сақлаш воситаси тариқасида ) иш бажаришга мажбурлаш таъқиқланади.

           Қуйидаги ишлар , яни:

           ҳарбий ёки муқобил хизмат тўғрисидаги қонунлар асосида;

           фавқулотда ҳолат юзберган шароитда;

           суднинг қонуний кучга кирган хукмига биноан ;

            қонунда назарда тутилган бошқа ҳолларда бажарилиши лозим бўлган ишлар мажбурий меҳнат деб ҳисобланмайди.

 Ўзбекитон Республикаси Маъмурий жавобгарлик тўғрисидаги кодексниниг 51- моддасига кўра “Меҳнатга маъмурий тарзда мажбурлаш “ учун маъмурий жавобгарлик назарда тутилган.

          Меҳнатга бирон- бир шаклда маъмурий тарзда мажбурлаш, бундан қонунда назарда тутилган ҳоллар мустасно,-

          БҲМнинг ўн бараваридан ўттиз бараваригача миқдорда жарима солишга сабаб бўлади.

          Худди шундай ҳуқуқ бузарлик маъмурий жазо чораси қўлланилганидан кейин бир йил давомида такроран содир этиш,-

         БҲМнинг ўттиз бараваридан юз бараваригача миқдорда жарима солишга сабаб бўлади.

         Ушбу модданинг биринчи қисмида назарда тутилган ҳуқуқбузарликни вояга етмаган шахсга нисбатан содир этиш,-

         БҲМнинг ўттиз бараваридан эллик бараваригача миқдорда жарима солишга сабаб бўлади.

         Худди шундай ҳуқуқбузарлик маъмурий жазо чораси қўлланилганидан кейин бир йил давомида такроран содир этилган бўлса,-

         БҲМнинг эллик бараваридан юз бараваригача миқдорда жарима солишга сабаб бўлади.

Саволларга “Мадад” ННТнинг Гулистон тумани ҳуқуқий маслаҳат бюроси бош мутахассиси С. Ходжаназаров жавоб берди.