Янгиликлар
17
МИРЗАОБОДДА ТАДБИРКОРЛАР УЧУН ЕР МАЙДОНЛАРИНИ АЖРАТИШГА ОИД МАСАЛАЛАР ЮЗАСИДАН АМАЛИЙ МАШҒУЛОТ ЎТКАЗИЛДИ
Сирдарё вилоят адлия бошқармаси, Мирзаобод туман адлия бўлими, “Ермулккадастр” давлат корхонаси туман бўлими, туман қурилиш бўлими ва бошқа ташкилотлар билан ҳамкорликда, карантин қоидаларига амал қилган ҳолда туман ҳокимлиги мажлислар залида тадбиркорлик мақсадлари учун ер майдонларини ажратишга оид масалалар юзасидан барча жараёнларни тадбиркорларга ўргатиш бўйича амалий семинар ташкил этилди.
Бунда, иштирокчиларга қишлоқ хўжалигига мўлжалланмаган бўш турган ер участкаларини электрон онлайн-аукцион орқали доимий фойдаланишга бериш тартиби, “YERELEKTRON” ААТда аниқ инвестиция мажбуриятлари билан бирга ер участкаси ва режалаштирилаётган қурилиш объекти тўғрисидаги маълумотларни кейинчалик уларни аукционга қўйиш масаласини белгиланган тартибда кўриб чиқиш учун жойлаштириш бўйича таклифлар киритиш ҳуқуқи, аукционда иштирок этиш шартлари ва бошқа масалалар юзасидан батафсил тушунтиришлар берилди.