Янгиликлар
27
СИРДАРЁ ВИЛОЯТИДА САЙЛОВОЛДИ ТАРҒИБОТ ИШЛАРИ АВЖИДА
Аввал хабар берганимиздек, вилоятда сайловолди тарғибот тадбирлари шиддат билан бошланиб кетди. Сайлов қонунчилигини айниқса, вилоят адлия бошқармаси ҳамда туман-шаҳар адлия бўлимлари масъул ходимлари фаол тарғибот қилмоқдалар.
Ховос тумани адлия бўлими сайлов тренерлари билан хамкорликда тумандаги "Маданият саройи" биносида "Қахрамон" маҳалла фуқаролар йиғини аҳолиси билан учрашув ўтказди.
- Тадбирда иштирокчиларга жорий йилнинг декабрь ойида бўлиб ўтадиган Олий Мажлис Қонунчилик палатаси вҳамда Халқ депутатлари вилоят, уман (шаҳар) Кенгашларига бўлиб ўтадиган сайловлар, Ўзбекистон Республикасининг Сайлов Кодекси мазмун-моҳияти, шунингдек, сайловларларда онгли қатнашиш, сайлаш ҳуқуқидан фойдаланиш тартиблари бўйича батафсил тушунчалар берилди, - дейди туман адлия бўлими бошлиғи Ҳаким Бўрибоев.
Худди шундай тадбир Мирзаобод туман адлия бўлими томонидан Тошкент МФЙда жойлашган 5-ўрта таълим мактабида 11-синф ўқувчилари иштирокида ўтказилди.
- Давра суҳбати давомида сайловда илк бор қатнашадиган ёш йигит-қизларга янги қабул қилинган Сайлов кодекси мазмун-моҳияти, шунингдек, сайлаш ҳуқуқи тушунтириб берилди, - дея хабар берди туман адлия бўлими бошлиғи Ҳамид Аҳмедов.