Янгиликлар
03
МОЛИЯЧИЛАРНИНГ ҲУҚУҚИЙ БИЛИМИ ОШИРИЛДИ
Янгиер шаҳар адлия бўлими томонидан шаҳар молия бўлими меҳнат жамоасида ҳуқуқий тарғибот тадбири ташкил этилди.
Тадбирда Ўзбекистон Республикаси Президентининг 2017 йил 19 январдаги ПҚ-2733-сон Қарори билан тасдиқланган “Давлат органлари ва ташкилотларининг юридик хизмати тўғрисида”ги Низом, 2017 йил 28 февралда 2863-сон билан рўйхатдан ўтказилган “Юридик хизмат ходимининг иш жойини моддий-техника жиҳатидан жиҳозлашга доир минимал талаблар ҳақида”ги Низомлар, Ўзбекистон Республикасининг “Жисмоний ва юридик шахсларнинг мурожаатлари тўғрисида”ги Қонуни ҳамда Ўзбекистон Республикасининг Коррупцияга қарши курашиш тўғрисидаги қонуни (2017 йил 3 январь ЎРҚ-419-сон) мазмун-моҳияти ёритиб берилди. Йиғилиш давомида Янгиер шаҳар адлия бўлими бош маслаҳатчиси М.Туракулов томонидан соҳага тегишли норматив-ҳуқуқий ҳужжатларни тарғиботи бўйича амалга оширилган ишлар етарли даражада эмаслиги ҳам айтиб ўтилди.
Йиғилиш якунида Янгиер молия бўлими бошлиғи Р.Сувонов келгусида бу масалага жиддий эътибор қаратишга ваъда берди.