Янгиликлар

Одам савдоси – қуллик балоси

Сирдарё вилоят Гулистон шаҳар 2-сонли педагогика коллежида Одам савдосига қарши курашиш бўйича Республика Идоралараро комиссияси томонидан тасдиқланган дастурга асосан, одам савдоси муаммосини бартараф этиш бўйича фаолият олиб бораётган давлат ва нодавлат ташкилотларининг масъул ходимлари иштирокида “Қулликка рози бўлманг” мавзусида амалий семинар бўлиб ўтди.

Семинарда Сирдарё вилояти никоҳ уйи мудираси, шаҳар хотин-қизлар қўмиталари, Гулистон шаҳар 1-сонли давлат нотариал идораси нотариуси, “Маҳалла” хайрия жамоат фонди, “Камолот” ёшлар ижтимоий ҳаракати иштирок этдилар.

Тадбирда сўзга чиққанлар одам савдосига қарши курашиш борасида ёшларнинг ҳуқуқий маданиятини ошириш, бу соҳада ҳокимиятларнинг ролини ошириш, аҳолини, айниқса, коллеж ва академик лицейларнинг битирувчиларини иш билан таъминлаш тўғрисида фикр-мулоҳазалар билдирдилар.

Семинарда одам савдосининг олдини олиш борасида бажарилган ишлар ва бу борада йўл қўйилаётган камчиликлар таҳлил қилиниб, навбатдаги вазифалар белгилаб олинди.