Bog'lanish

Telefon
(+998 67) 226-02-53

Elektron manzil
sirdaryo@adliya.uz

Habarni yuborish
Ishonch telefoni 1008

Янгиликлар

14

Фахрийлар шарафланди

1.jpgПрезидентимиз Ислом Каримов раҳнамолигида кекса авлод вакилларини ҳар томонлама қўллаб-қувватлаш, уларга муносиб турмуш шароити яратишга алоҳида эътибор қаратилмоқда.

Сирдарё вилоят адлия бошқармаси ва унинг тизимидаги ФҲДЁ органлари ҳамда давлат нотариал идораларида турли лавозимларда узоқ йиллар давомида самарали меҳнат қилиб, нафақага чиққан, халқ орасида алоҳида ҳурмат ва эътибор қозонган фахрийлар билан учрашув ўтказилди. Улар мамлакатимизда кенг нишонланаётган “9 май - хотира ва қадрлаш куни” байрами муносабати билан бошқарма раҳбарияти ва ходимлари томонидан қизғин муборакбод этилди.

Мазкур тадбирда Ўзбекистон Республикаси Адлия вазирлигининг Фахрийлар кенгаши раиси Э.Шерматов иштирок этиб, фахрийларни байрам муносабати билан Адлия вазирлиги раҳбарияти номидан табриклади.

1.jpgТадбир давомида бошқарма бошлиғи А.Тошқулов, адлия бошқармаси Касаба уюшмаси қўмитаси раиси Э.Маҳкамовнинг табригидан сўнг, фахрийларга адлия бошқармасининг эсдалик совғалари топширилди.

Шундан сўнг, вилоят адлия бошқармаси фахрийлари Т.Дадабоев ва Г.Ёдгоровалар сўзга чиқиб, бошқарма раҳбарияти ва ходимларига ўз миннатдорчилигини билдирган ҳолда ўзлари томонидан босиб ўтилган иш фаолиятлари ҳақида тўхталиб ўтишди.

Бир сўз билан айтганда, юртимизда инсон, унинг манфаати, бахт-саодати ва қадр-қимматини кўзлаб амалга оширилаётган бундай кенг кўламли ишлар Кексаларни эъзозлаш йилида янгича мазмун касб этиб, кучли ижтимоий сиёсатнинг амалдаги ифодаси сифатида халқимизнинг эртанги кунга ишончини мустаҳкамлашга хизмат қилади.