Янгиликлар
03
Конституция – менинг тақдиримда
Биз жуда бахтиёр авлод вакилларимиз. Юртимиз кучли давлатлар сафидан ўрин олиб, ўзбек халқининг номи улуғланаётгани қалбимизни ғурурлантиради. Тинчлик ва осойишталигимиз эса юртимизда, элимизда одилона қонунлар қабул қилинаётганлиги, халқчил Конституцияга эга эканлигимиз маҳсулидир. Шу маънода 22 йиллиги кенг нишонланаётган Ўзбекистон Республикаси Конституциясининг ҳар бир моддаси ҳаётимизда қандай аҳамият касб этаётганлигини бугунги кунимиз кўрсатиб турибди. Бу шубҳасиз Асосий Қомусимизнинг замонамизнинг энг мукаммал конституциялари қаторида эканини ҳамда юртимизда барпо этилаётган ҳуқуқий демократик давлат ва фуқаролик жамиятининг негизини ташкил этишининг ёрқин исботидир. 
Гулистон шаҳар 6-сон умумтаълим мактабининг мажлислари залида Никоҳ уйи мудираси, Гулистон шаҳар ФҲДЁ бўлими мудираси ҳуқуқни муҳофаза қилувчи органларнинг вакиллари, ҳуқуқшунос ва бошқа мутахассислар иштирокида “Конституция – менинг тақдиримда” мавзусида давра суҳбати ўтказилди.
Давра суҳбатида сўзга чиққанлар Конститутициямизнинг мамлакатимиз суверенитетини мустаҳкамлаш, миллий давлатчилигимизни шакллантириш, юртимизда кенг қамровли ислоҳатларни амалга ошириш, халқимизнинг турмуш фарвонлигини юксалтиришдаги аҳамиятига алоҳида тўхталдилар.
Тадбирда, Конституция асосида биз тинчлик-осойишталик, бунёдкорлик, аҳиллик, бағрикенглик, меҳр-оқбат ҳукмронлик қилаётган одилона сиёсат юритилаётган ҳамда тенглар ичра тенг озод юртда яшаётганимиз эътироф этилди. Мана шундай улуғ неъматни оғишмай амалга ошириб, унинг барча имкониятларидан фойдаланишимизда эса Конституциямизнинг ҳаётбахш қудрати ҳамроҳ бўлмоқда.