Янгиликлар
ДСЭНМ ходимлари учун ҳуқуқий-маърифий тадбир
Боёвут туман адлия бўлими томонидан тумандаги Давлат санитария-эпидемиология назорат маркази ходимлари учун ҳуқуқий маърифий тадбир ташкил этилди.
Тадбирда Ўзбекистон Республикаси Президентининг 2019 йил 25 майдаги “Ўзбекистон Республикасида коррупцияга қарши курашиш тизимини янада такомиллаштириш чора-тадбирлари тўғрисида”ги ПФ-5729-сон Фармонининг мазмун-моҳияти тушунтирилиб, мавзуга оид буклетлар тарқатилди.
- Бундан ташқари, меҳнат ҳуқуқи ва мажбурий меҳнат тақиқланганлиги тўғрисидаги ҳукумат қарори ходимлар эътиборига етказилди, - дейди туман адлия бўлими бошлиғи Жаҳонгир Шомирзаев. – 2018 йил 10 майда Вазирлар Маҳкамаси томонидан қабул қилинган «Ўзбекистон Республикасида мажбурий меҳнатга барҳам беришга доир қўшимча чора-тадбирлар тўғрисида» қарорининг мазмун-моҳияти яна бир бор марказ раҳбарлари ва ходимларига тушунтирилиб, сўровномалар ўтказилди.
Тадбир сўнгида савол-жавоблар, фикр-мулоҳазалар тингланди.