Янгиликлар
17
ҲУҚУҚИЙ ОНГЛИ ФУҚАРО ҲУҚУҚБУЗАРЛИК СОДИР ЭТМАЙДИ
Сирдарё вилоят адлия бошқармасининг вилоят прокуратураси ҳамда Ички ишлар бошқармаси билан имзоланган қўшма дастурига асосан, туман-шаҳар адлия бўлимлари томонидан “Менинг маҳалламда жиноят содир бўлмаслиги керак” мавзусида маҳаллалар ва ўқув муассасаларида ҳуқуқий тарғибот тадбирлари ўтказилмоқда.
Жумладан, Боёвут тумани адлия бўлими ҳам Боёвут саноат касб-ҳунар коллежи фаоллар залида тумандаги Беруний, Соҳил ва Ижодкор маҳалла фуқаролар йиғинлари аҳолиси учун “Одам савдоси - давр муаммоси” ҳамда “Менинг маҳалламда жиноятчилик содир бўлмаслиги керак” мавзусида давра суҳбати ташкил этилди.
- Давра суҳбатидан мақсад - аҳолига ҳуқуқбузарликлар ва уларнинг салбий оқибатлари ҳақида тушунчалар бериш, Ўзбекистон Республикасининг “Одам савдоси тўғрисида”ги Қонуни мазмун-моҳиятини фуқаролар онгига сингдиришдан иборат, - дейди Боёвут туман адлия бўлими етакчи маслаҳатчиси Ш.Исканов. – Фуқароларимизнинг ҳуқуқий онги ўсса, ҳуқуқбузарликлар содир этмайди, одам савдоси иштирокчиси ёки қурбонига айланмайди. Бундай тадбирларни туманнинг олис ва жиноятчилик содир этилган барча ҳудудларида ўтказамиз.