Соғлом бола йили

Обод турмушнинг соғлом фарзандлари

Ер юзида эртанги куни, авлодлари тақдири ҳақида қайғурмайдиган бирон бир халқ бўлмаса керак. Наслининг, миллатининг ор-номусини, ғурур, ифтихорини, истиқболини ўйлайдиган ҳар бир одам ортида соғлом зурриёт, соғлом авлод қолишини истайди. Бу бутун инсониятга хос фазилат. Айниқса, бизнинг болажон халқимиз ўзи емаганни, ўзи киймаганни боласига илинади, эртаси бугунидан порлоқ бўлсин, дея ният қилади. Ҳаёти мазмунини фарзандлар бахту камолида кўради, унинг порлоқ келажаги йўлида бор-йўғини аямайди.

Оила бахти - бола саломатлигида

Юртимизда амалга оширилаётган ислоҳотларнинг муҳим йўналишларидан бири - оила институтини мустаҳкамлаш орқали жисмоний ва маънавий жиҳатдан етук авлодни тарбиялаш ҳисобланади. Чунки, соғлом бола мустаҳкам ва аҳил оилада камол топади, катталарга ҳурмат, кичикларга иззат, одамийлик, меҳр-муҳаббат, ўз Ватанига, халқига садоқатли бўлиш каби олий-жаноб фазилатлар ҳам айнан ушбу масканда шаклланади.

Фарзандлари соғлом мамлакатнинг келажаги буюкдир

Давлатимиз раҳбари Ислом Каримов ташаббуси билан 2014 йилнинг мамлакатимизда Соғлом бола йили деб эълон қилиниши жамоатчилигимиз томонидан кенг қўллаб-қувватланди.